موضوع فى غاية الاهمية ارجو منكم الدخول

قلب الايمان

عضو جديد
20 يناير 2009
182
1
0
القاهرة
sohptel5er.p2h.info
السلام عليكم ورحمة الله وبركاته
اللهم صلى وسلم تسليما على سيدنا وحبيبنا محمد

الموضوع انا نقلتة من منتدى اخر مكتوب عن ولد الله يعطيه كل خير لما فى من اهمية
ارجوكم ياجماعة ساعدو البنت الذى يتكلم عنها الولد حتى لو بقليل ربنا يسعدكم يارب وممكن طبعا تروحو تسالو
جزاكم الله كل خير


شخص حاجة ماسة للمساعدة
بسم الله الرحمن الرحيم
السلام عليكم ورحمة الله وبركاته
انا اخوكم احمد
من الغربية
طالب بالفرقة الخامسة بطب طنطا
بعد احداث غزة الاخيرة عرفت انا ومجموعة من زمايلنا فى الكلية ومن خارج الكلية ان فى بعض الجرحى الفلسطينين اللى تم نقلهم الى بعض مستشفيات القاهرة لتلقى العلاج بها
فقررنا معا ان نقوم بزيارة هؤلاء الجرحى
وبالفعل قمنا بالزيارة فى معهد ناصر
وكنا رايحيين على اساس ان دول جرحى وبس
لكن اكتشفنا حقائق مرة
ان اللى بيتعالجوا هناك مش مجرد جرحى وبس لكن ده كمان فى " مرضى" كانوا بيحاولوا يدخلوا لمصر من حوالى السنتين من بعد فرض الحصار فى 2007 لكن للأسف ما قدروش يدخلوا الا مع فتح المعبر بعد العدوان الاسرائيلى
وللأسف ياشباب لقينا حالات يرثى لها
يمكن الجرحى هم احسنهم حالا
ح اقولكم شفنا ايه:
شفنا هناك بنت اسمها فداء عندها 25 سنة بتعانى من فشل فى عضلة القلب وكانت بتحاول تدخل مصر من سنتين وفضلت منتظرة حتى تضاعف عليها المرض وادى الى رشح وتراكم سوائل على الرئه
والبنت محتاجة لجهاز ضرورى اسمه ثنائى مضاد لضربات القلب البطينية بتكلفة 120 الف جنيه وللأسف هى بتتعالج على حساب السلطة الفلسطينية اللى زى ما انتم عارفين ايه احوالها اليومين دول
الحقيقة قررت انا واصحابنا اننا نجمع لها تبرعات ونحاول نشترى احنا الجهاز ده والحمد لله بدانا نجمع لكن المبلغ كبير اوى يا شباب والوقت مش فى صالح البنت تماما

البنت " فداء " يا جماعة لا هى فى فلسطين ولا هى جوه غزة
يعنى معلش مش ح نقدر نتحجج بحجة ان التبرعات مش بتوصل وان المعبر مقفول
لا فداء هنا على ارض مصر وبين اخواتها عيب جدا لما واحدة تموت بينا عشان مش لاقية تمن العلاج
اناشدكم يا شباب وشابات الخير ان تساعدوا اختكم فداء واذكركم بحديث المصطفى صلى الله عليه وسلم
"من فرج عن مسلم كربة من كرب الدنيا فرج الله عنه كربة من كرب يوم القيامة"
ثانيا:
هناك ايضا مرضى السطان الفلسطينين
علاج مرض السرطان علاج دورى بمعنى ان المريض يتردد على المستشفى عشان ياخد جلسات العلاج اى ان المريض مالهوش اقامة ف المستشفى
والمرضى الفلسطينيون دول مالهومش مصدر رزق هنا فى مصر ولا مكان لايوائهم
تخيلوا انتم هم بيقضوا الايام دى ازاى؟؟؟؟؟؟
بيناموا فى الشارع او حديقة المستشفى

يا شباب اناشدكم بالتحرك السريع لانقاذ المرضى الفلسطينين على ارض مصر
واذكركم بقوله تعالى:
" ان تقرضوا الله قرضا حسنا يضاعفه لكم ويغفر لكم والله شكور حليم"
" وما انفقتم من نفقة او نذرتم من نذر فان الله يعلمه وما للظالمين من انصار"
" وما تنفقوا من خير فلأنفسكم وما تنفقون الا ابتغاء وجه الله وما تنفقوا من خير يوف اليكم وانتم لا تظلمون"

شكرا لكم


ومكان البنت فى معهد ناصر