الدعوه لايقاف :هاك ضع ردا لاظهار المرفقات او الروابط

EngH3

مشرف قسم البرامج
29 سبتمبر 2009
604
10
0
بسم الله الرحمن الرحيم

السلام عليكم ورحمة الله

بتبحث عن موضوع على النت

تلاقيه تروحله والغالى نروحله

مفيش مشكلة
.
تدخل المنتدى

تيجى تحمل المضوع يقوللك لازم تسجل

علشان تشوف الروابط

ييه???

هوه احنا هنسجل ف كام منتدى?

ماشى نسجل علشان ناخد ملفنا ونتكل

نقوم مسجلين

نيجى نحمل

يقولك الروابط بالمرفقات

أو الناصح يديلك الروابط تبلها وتشرب ميتها

ويقولك الباسوورد بالمرفقات

ولايمكن رؤية المرفق ألا بعد الرد

بقى انا عضو فى المنتدى وكمان كاتب الموضوع عايزنى أرد على موضوعه الأول

علشان اشوف الروابط

راسى والف سيف والله ما انا رادد

واحد يقولك ما ترد ياعم اهو منك تزود مشاركاتك

ومنك عبرت الراجل اللى كتب وتعب ف الموضوع

اقوله لأ

ثم انا عندى رأى ف موضوع عدد المشاركات ده

انا رأيى أن الموضوع الجديد يتعد تلات مشاركات

والرد اللى ليه معنى يتعد اتنين والرد اللى ملوش معنى

زى مشكووووور وthaaaaaaaaanx ومييييييييييرسى

الخ.......

يتعد مشاركة واحدة

زى الكوره هههههههه

طبعا انا عارف ان الكلام ده مش عملى بس شفولكوا حل

نرجع مرجوعنا ليه أنا مش موافق على الرد والهاك البغيض ده

اولا : ازاى يا أسيادنا ارد على موضوع وانا اصلا ماشفتوش

وماكونتش عنه فكرة

ثانيا: ممكن ترد على موضوع ويكون الرابط بتاعة مضروب او خلصت صلاحيته

او اصلا الشركة المنتجة للبرنامج شالته

زى مثلا نسخ بيتا ويندوز 7 بتاعة ميكروسوفت

اللى انتهت صلاحيتها ف شهر اغسطس

ثالثا: المواضيع اللى بتستخدم الهاك ده

بتفضل ف صدارة الصفحة الاولى وكانها مثبته

وممكن يكون الموضوع سطرين اتنين ورابط بالمرفقات

يعنى صاحب الموضوع لاتعب ولا غيره

وممكن يقعد الموضوع سنة او اكتر ويكون قدم

مثل النسخ دائمة التجدد زى IDMAN

رابعا: يتم زحزحة المواضيع الجديدة الى الصفحات الخلفية

وتذهب طى النسيان

وفيها مواضيع رائعة تستحق الرؤية والتقدير

ولا ذنب لصاحبها غير انه حط روابطه صريحة

وما ستعملش الهاك

طب ايه الحل?

الحل بالمرفقات

هههههههههههه

استنه ياسيدى رايح فين?

اولا: كل اللى عنده حل لهاك منع اخفاء الروابط الا بعد الرد

او حل لهاك اخفاء المرفق عن الاعضاء الا بعد الرد يقوله لينا

ثانيا: الحل ده وانا مجربه فى احد المنتديات بس مش عارف هينفع

ف كل المنتديات ولا لأ وياريت تجربوه وتردو ا علينا

ازاى نحل الموضوع?????

قرينا الموضوع وعجبنا وعايزين نحمل الملف

قام صاحبنا قال لايمكن رؤية المرفق الا بعد الرد

قوله معلش مش هرد

وبعدين ارجع للصفحة الرئيسية اللى دخلت منها للموضوع

هتلاقى رمز او علامه على يمين الموضوع (شمال شاشة الكمبيوتر)

(شبه مشبك الورق)

قوم مشاور عليها بالماوس هتطلع حبيبة القلب يد التحميل

قوم مديها دوبل كليك شمال

وحمل ملفك المنشود

وادعى لاخوك لو نفع

بس اوعى تدعى عليه لو مانفعش

احنا بنحاول نساعد

فان اصبنا فمن الله وان اخطانا فمن انفسنا ومن الشيطان

على فكرة انا عامل صور للحل ده على منتدى تانى بس طبعا ماينفعش نجيب صور لمنتدى اّخر

بيقولولك دعاية لمنتدى تانى بس انا ليا راى تانى فى الحكاية دى

ان كل المنتديات اخوات خصوصا المنتديات العربية دى حتى الكمبيوتر مابفرقش بينهم وبيدينا

رمزهم

شبه بعض...... بس بقى يااخى انت كل حاجة ليه راى ليه رأى?????

(الحل ده للأعضاء مش للزوار مش عايزه كلام يعنى)



ارجو الرد

طبعا عارفين ليه

واللى هيرد صحبى وحبيبى

واللى مش هيرد

ايه?

برضه صحبى وحبيبى


وشكرا
 

SINAN-IQ

عضو جديد
31 أكتوبر 2009
25
0
0
IRAQ
اتفق معك ... لأنها ليس حفظ حقوق وجهد صاحب الموضوع بقدر ثقلها على الباحث

كل الود
 
اخى صاحب الموضوع : اتفق معك وكلامك منطقى للغاية احيانا تجد مواقع تافه للغاية تلعب هذه اللعبة السخيفة وياريتهم يكفون عن هذه الحركات الصبيانية المراهقة